छम् छम् छम् छम् छम् छम्छडी लागे छम् छम् विद्या येई घम् घम्
छम् छम् छम् छम् छम् छम्।।ध्रु.।।
मोठ्या मोठ्या मिश्या डोळे एवढे एवढे लाल
दंताजीचा पत्ता नाही खप्पड दोन्ही गाल
शाळेमधल्या पोरांना हा वाटे दुसरा यम।।१।।
तंबाखूच्या पिचकार्यांनी भिंती झाल्या घाण
पचापचा शिव्या देई खाता खाता पान
मोर्या, मूर्खा, गोप्या, गध्ध्या देती सर्व दम।।२।।
तोंडे फिरवा पुस्ती गिरवा बघू नका कोणी
हसू नका रडू नका बोलू नका कोणी
म्हणा सारे एकदम ओ नामा सिद्धम्
ओ नाम सिद्धम् ओ नाम सिद्धम्।।३।।
कोणत्याही टिप्पण्या नाहीत:
टिप्पणी पोस्ट करा