उंच उंच गगन हे

उंच उंच गगन हे आज पृथ्वीला मिळे
रंग रंग मिसळूनी, एक रंग हा जुळे।।
संपले उन्हातले ते अखंड चालणे
चालतो इथे आता, थंड थंड चांदणे
पाखरास हरवल्या, घर फिरून हे मिळे।।
सर्व सर्व एक ह्या जाहल्या दिश दिशा
एक आमुची उषा, एक आमुची निशा
शिशिर हि वसंत ही, आमुचे नये गळे।।
यापुढे न कोणीही, राहणार एकटे
पाश सर्व आमुचे तोलणार संकटे
आम्ही जिथे आसू तिथे,
नयन नयन ओखळे।।
असे जगू जया मुळे धन्य होय माय ती
असे मरू ज्यामुळे विश्व गायी आरती
सर्व नाथ हे जिथे अनाथ कोण राहिले।।